الرئيسية
يالله حي القدعااات..
احس اني من زمان مانزلت موضوع ذو قيمة .. خصوصا في حبيب ألبي الحاسب..
عاد اليوم طرت علي وحدثتني نفسي قائلة يابنت الحلال استحي على خشتك ونزلي موضوع بالحاسب يواجه ..
ياخزياه في كويفي مير مدهره بكل الاقسام وقسمي تاركته يهش ذبان..
ومير اهب كالاسد
وازبط ذالموضوع اللي يهم كل عضوة راعية تحميل ودهره..
لاني كثير اشوف بنات يشتكون من مراكز التحميل وحركاتهم البايخة..
اللي مايمديك تحملين عندهم الا وهم مقرشعين مندوبه اسم الله..
ثم تتفشلين عند خلق الله وينسكب ماء وجهك..ولا حركتهم ذالسامجة اللي من تالي اذا طرت عليهم رزوا رابط موقعهم تحت الملف اللي انتي محملته..
من زين خشة موقعكم عشان ترزونه بصورتي..
المهم ماعلينا منهم فليذهبوا للهاوية هم ومواقعهم ذالمخيسة..
اليوم بعلمكم طريقة تزبيط مركز تحميل خااص في خشتك انتي فقط محد يشاركك واللي بيشاركك فيه اكسري يدهـ..
غير كذا انتي اللي تتحكمين بملفاتك على كيف اهلك وتحذفين وتضيفين بمزاجك محد يتحكم الا انتي فقط..
واذا ما حذفتيهم انتي ماينحذفون واحيانا تخيس الملفات بمركز التحميل ما انمسحت..اخبر لكم ملفات عندي بمركز التحميل من 3 سنين لين الحين حية ترزق بالمنتديات اللي سجلت فيها..
على طاري الملفات اتذكر اني مرة نزلت موضوع فيه صور محملتهم على مركز تحميلي ومير تزرفه وحدة وتنقله ولا كتبت منقول..
وانا اللي اروح احذف الملفات من مركزي واخلي الموضوع بدون صور نكاية فيها..
المهم يبدو اني كثرت الدندرة الله يصلحني اسمع بالمقدمات..
طريقة فتح موقع خاص بك في جيران
(1)
روحي لهالرابط لله درك..
http://www.malware-site.www/
(2)
بعدين سوي اللي بالصورة..
(3)
ثم عبي البيانات المطلوبة كما هو موضح بالصورة..
(4)
اذا انتهيتي من تعبئة البيانات..دخلي الرقم وسجلي موافق..
مبروووووووك لقد صار عندك موقع في جيران..
وراح يكون رابطه بنفس الاسم اللي سجلتيه بالبيانات..انا مثلا سجلت ksratml7 ..
فصار هذا اسم رابط موقعي http://ksratml7.malware-site.www
(5)
الحين روحي فعلي حسابك في جيران من الايميل بتوعك..راح يوصل لك دايركت ايميل منهم تلاقينه بالجنك ميل ..
وراح يعطيك عضويتك مع الباسوورد بتاعك..مثل هالصفحة..
(6)
بعد ما تفعلين الحساب روحي لصفحة جيران الرئيسية..واذا كانت الصفحة بالانقلش تقدرين تحولينها لعربي..
عن طريق الضغط على كلمة عربي فوق بالزاوية اللي عاليمين..مثل ذالصورة..
(7)
بعدين انزلي في الصفحة تحت راح تلاقين مجموعة خيارات..
طبعا تقدرين تسوين لك فيه مدونة وتضيفين لوقز وصور وغيرها..
بس طبعا هذا كله مايهمنا اللي نبيه الحين هو مركز تحميل وبس..
لذلك اختاري منها ( موقعك الشخصي) كما بالصورة..
(
راح تفتح لك صفحة فيها قراشيع كثيرة..كلها لاتطالعينها بس درعمي لهذا الشي..
(9)
بتفتح لك صفحة التحميل..لاحظي انك ماتقدرين تحملين ملف حجمه اكبر من 512 ك.ب ..
طبعا اختاري عدد الملفات اللي تبين تحملينها لك الى 20 ملف..بعدين ارعصي اظهر الخيارات..عشان تظهر لك عدد مربعات التحميل..
ثم استعرضي ملفاتك واذا انتهيتي اضغطي على تحميل..كما بالصورهـ..
لاحظي الآن قاعد يحمل معي..
انتهى من التحميل وطلع لي الملف..كما هو موضح..
ومبروووك عليك مركز التحميل بتوعك..
اي سؤال انا حااضرهـ .. وفي حالة انك استفدتي من موضوعي لاتقولين شكرا..لكن ادعي لي..
شوفوا هذي الصورة حملتها على مركز تحميلي..لاحظوا رابطها..*_^
ومع السلام عليكم..
منقــوووووووول
![]$[uno cool]$[](https://2img.net/u/1214/47/87/35/avatars/28-95.jpg)
