صدق لآقالو الله يعطيك على قد نيآتك...

السلام عليكم ورحمة الله وبركاته


اولن احب امسي على الجميع بالخير..وهذا اول موضوع لي في قسم التنسيم والهبال...واتمنى انه ينآل اعجآبكم ورضآكم وغايتكم هي هدفنا<==ماصار موضوع دعآية تسويق...


المهم الله يسلمكم كلبوكم هآلسآلفه صارت لي تقريبا قبل شهر<==ااه والله منقهر ماودي اتذكر لكن بطلع حرتي هنا....

عنآصر السالفه...<==شوفوا بس الاسلوب الجديد..

الابطال انا ..وصديقي<==اه لو امسكه...والدكتور...

الموقع..جآمعة الملك سعود

اليوم كآن يوم السبت..


__________________________________________________ ________________________
السالفه هي...عباره عن حادثه او موقف حدث لك او لشخص اخر<هذا تعريف السالفه علشان تكون عندكم ثقآفه..هع

المهم خلوني بدخل في الساااالفه الله يسلمكم.....



كان عندنا اختبار مادة اسمها نصوص اعلاميه باللغه الانجليزيه..وانا طبعآ دآج ما اعرف الا اكتب اسمي بالانقليزي..لا وما اعرف اكتبه لين احد يساعدني لوووووووول...والدكتور الله يسلمكم قايلن والله ما احد ينجح الا بجهده يعني لا احد يسوي فيها ويغش...ويجيب لي براشيم او جوال وغيره<==يعني خلاص عرفوا هالحركات الله يسلمهم...

انا توهقت وش تسوي ياسيد وش تسوي ياسيد وتعرفون انا لافكرت ادهور بلد بوش ما يصفط جنبي في التفكير...<=لآيكثر...

الجوال ومكفوشه..والبراشيم لو يمسكها بلعني اياها الدكتور وانا ماني فاضي اكل قراطيس يكفي اني مره كليت شاورما بقراطيسها من الجوع<==بس والله طعمها حلو قسم..


ياسيد وش تسوي ياسيد شوي الا عقلي يدق المنبه حقه منبه ان الفكره جت<==اتحدا احد عنده هالخاصيه في عقله لووووووووووول...

الفكره هي..عبآرة عن عناصر تتضمن معلومات<==تعريف الفكره


الفكره الي جتني هي اني اجيب لي واحدن شاطر من اخوياي مع ان مافيه احد فالح كلهم داجين وجالسين في الاستراحه بس شيشه وبيبسي الواحد كرشه تقول مركآ ووجه كنه كراسون منتهي من الشيشه..

واخليه يذاكر يذاكر يذاكر يذاكر لين يذاكر ولاذاكر يدخل الله يسلمه معي الاختبار والدكتور مايدري لان الطلاب عددهم كثير وما يعرفهم..واخلي هالصديق تبعي يحل في ورقة واذا ما كفشه الدكتور يكتب اسمي ويكتب رقم الجامعي ويسلم الورقه ويتوكل على الله..وانا اكون معاه بعد في الاختبار احل يعني هو طالب وانا طالب..واذا عرف الدكتور الحركه بيمسكه وبيصفقه وبيطلعه وماهو مسوي له شي لانه مو من الطلاب وماهو بالجامعه..وانا بحل والله يعيني واعطي الدكتور ورقتي وتفشل خطتنا..وارسب في الماده...


المهم جبت هالواحد الشاطر ومسكته وقلت ذاكر ذاكر يابعد ركب جدتي علشان تحل والي تبي انا حاظر قال ومن زين خشته وبصوت هادي ابي شيشه<==شوفو بس الطلب شيشيه راس مالها خمسه وثلاثين ريال لوووووووووووول انا قلت الحين بيقول ابي جوال ابي لاب توب<=يبطي...

قلت خلاص ولايهمك انت بس ذاكر وادخل معي وفهمته كل التعليمات علشان ما ننكفش..المهم جا يوم الاختبار...انا ركبي تتصافق والاخ الي معي يضحك ويقول لا تشيل هم يآسيد ماعليك ان ما خليتك تجيب عشرين من عشرين ما اكون انا توم كروز قصدي ما اكون انا اشين واحد..
قلت نشوف طال عمرك..

دخلنا القاعه جلس هو بالزاويه وانا جالس في الوسط ...وزع الدكتور الاوراق وقال يالله حلو والي بيغش بيرسب وبيجيني الترم الثاني...المهم انا طلع جنبي واحد الله يسلمه دافور دارسن برا يعني الانقليزي حافظن والديه حفظ مثل اسمه...المهم انا قلت خلني بشوف صديقي بناظر فيه وش صار عليه يوم ناظرت فيه االا وهو يبتسم والابتسامه تشف الوجه تقول كنه توه طالع من خطبه وموافقين له...<==ااه لو امسكه بس

قمت اهز رويسي الدائري يعني وش سويت ويشر لي بيده جعها القطع قولو امين...يقول قود ماعليك يعني الدرجه كامله يعني بالعربي ناجح المهم انا استانست قلت وش وراي خلني اناظر في الي جنبي واكتب مثل ما يكتب الاختبار طبعا كله اختيارات...وانقل من الي جنبي وانقل وانقل لين كملت كل شي..المهم كتبت اسم من راسي ورقم جامعي من راسي وسلمت الدكتور الورقه وطلعت..المهم طلع صديقي الي ادعى انه شاطر..قلت وش صار قال ماعليك ياسيد ازهل ان ماخذيت الدرجه كامله ما اكون انا فلان قلت يابعدي والله انشهد انك ذيبان..المهم راحت الايام نسينا الاختبار جا وقت اني ابي اعرف كم الدرجه مستانس انا وخشتي ..المهم يوم دخلنا على الدكتور هاه دكتور كم الدرجات قال بقولكم الحين....وينادي وينادي وانا انتظر اسمي بكل فارغ من الجمر<==تعبير مايدري وش يبي

المهم قال فلان الفلان الفلان الفلاني<==الي هو انا قلت سم

قال درجتك سبعه من عشرين قلت وش تأكد يادكتور تراني مذاكر واسوي نفسي ببكي لكن ما اعرف...


قال دقيقه فيه طالب هنا ما لقيت اسمه عندي بالكشف قلنا شسمه قال فلان فلان<=الي هي ورقتي الي كاتب اسم على كيفي.

قال هذا الطالب جايب تسعة عشر من عشرين<==يوم بغت تجيني غيبوبه وسكر وجلطه وصداع وماغص ونزله معويه واحتقان والـخ بسم الله علي...



شوفو القهر الي مسوي شاطر ودخلته يمتحن بدالي جايب سبعه وانا جايب تسعة عشر من عشرين صدق الله يعطيك على قد نياتك<==يبكي ترا وهو يكتب الموضوع دموعه على الكيبورد والحروف غرقت...

واخرتها طلع ذيبان الي اقوله<==طقعآن


ومن يومها وانا ماعاد شفته وليومي هذا وانا ابحث عنه لكي اقطع شعر سيقانه بيدآي الحساستان
يقول لي انا شاطر واخرتها سبعه<==ادعو انه ما يطيح في يدي علشان ما ادخل السجن...



وهذي سالفتي واتمنى اني اكون عبره<===شرايكم بس في برائه وحسن نياته ما يبي لكم الشر ينصحكم..


انتهت السالفه





عندي نكته _في محشش يصبغ جدار قال خويه حط تحتك جريده قال لا ماعليك اطول
لووووووووووووووووووووووووووووووووووووووووووووووووو وووووووووووول


تقبلو ارق التحايا
سيد نفسي